L'Equipe nashrining xabar berishicha, Saudiya Arabistoni va MLS (AQSH) klublari «Monako» yarim himoyachisi Pol Pogbaga qiziqish bildirmoqda.

Shu haftada yana bir bor jarohat olgan 33 yoshli fransiyalik futbolchi bilan monegasklar shartnomani bekor qilishi mumkinligi haqida ma’lumot paydo bo‘lgan edi.

Manbaga ko‘ra, yarim himoyachining tiklanish jarayoni AQSH va Saudiya Arabistonidagi transfer oynalari yopilganidan (mos ravishda 2 va 10 sentyabr) so‘nggina yakunlanishi kutilmoqda, bu esa Pogbaning o‘tishiga to‘sqinlik qilishi mumkin.

Pogba 2025 yilning yozida «Monako»ga o‘tgan edi. O‘tgan mavsumda u 6 ta o‘yinda maydonga tushib, mahsuldor harakatlar bilan ajralib turmadi.

Transfermarkt portali futbolchining transfer qiymatini 2,5 million yevroga baholamoqda.

Manba: Stadion.uz