The Telegraph nashri bergan xabarga ko‘ra, «Nottingem Forest» ushbu yozgi transfer oynasida yangi hujumchi sotib olishni ustuvor vazifa qilib belgilagan va «Chelsi» forvardi Liam Delap klubning uzoq muddatli nishonlaridan biri sifatida qolmoqda.

Manbaning qayd etishicha, «Forest» rahbariyati Kris Vud bilan munosib raqobatlasha oladigan, tezkor, jismonan baquvvat va mavsumda kamida 10 tadan ortiq gol urishga qodir bo‘lgan hujumchini tarkibga qo‘shib olmoqchi.

«O‘rmonchilar» bu kabi transferni amalga oshirish, ayniqsa yevrokuboklarsiz o‘yinchilarni jalb qilish qiyin va qimmatga tushishini yaxshi anglab turishibdi. Delap o‘tgan yili klub bilan muzokaralar o‘tkazganidan so‘ng nomzodlar ro‘yxatidan joy olgan. Bundan tashqari, «Forest»ning yangi bosh murabbiyi Oliver Glasner ham «Chelsi» forvardining o‘yin uslubiga yuqori baho berishi aytilmoqda.

34 yoshli Kris Vud tizzasidan olgan jarohati sababli o‘tgan mavsumning salmoqli qismini o‘tkazib yuborgan edi, biroq undan oldingi mavsumda Premyer-liga doirasida raqiblar darvozasiga 20 ta gol urishga erishgan.

Yangi Zelandiya terma jamoasi a’zosi «Siti Graund»da hali ham muhim figura bo‘lib qolmoqda, shunday bo‘lsa-da, «Nottingem Forest» yangi mavsum oldidan hujum chizig‘ini yanada kuchaytirish niyatida.

Manba: Stadion.uz