Chexiya futbol assosiasiyasi prezidenti David Trunda FIFA rahbari Djanni Infantinoning Jahon chempionati tijoriy huquqlaridagi ulushni xususiy investorlarga sotish rejasini qo‘llab-quvvatladi.

«Janni Infantino va uning jamoasi bilan yaqin hamkorlikdan Chexiya futboli olishi mumkin bo‘lgan muayyan afzalliklarni ko‘ryapman. Albatta, bizga ko‘proq tafsilotlar kerak, ammo shaxsan men FIFAning niyatlari ijobiy ta’sir ko‘rsatadi deb hisoblayman», — deydi Trundaning so‘zlarini Sky Sports.

Avvalroq Infantino JCHning tijoriy huquqlarini (translyasiya, homiylik va chiptalar) FIFA Forward Enterprise (FFE) nomli yangi tuzilmaga o‘tkazib, uning kamchilik (aksiyalarning 20% gacha) ulushini xususiy investorlarga sotish rejasini ishlab chiqayotgani xabar qilingan edi. Muzokaralar AQSH prezidenti Donald Trampning oilasiga yaqin bo‘lgan investorlar va J.P. Morgan banki bilan olib borilmoqda.

Bir qator futbol tashkilotlari, jumladan UYEFA bu qarorni keskin qoralab, «futbolning jonini sotish» deb atangan bo‘lsa-da, Infantino taklifni ovozga qo‘yishda ko‘pchilik ovozini olish uchun FIFAga a’zo 211 ta assosiasiyaning har biriga 19 sentyabrgacha rejani ma’qullash evaziga $40 million dollarlik moliyaviy yordam va’da qilmoqda.

Manba: Stadion.uz